|
Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 112 Hüküm no: 152 Orijinal metin no: [61-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Yakomi v. Todori’nin Meyhaneci Pavlo’dan v. alacağı olduğu
Zimmiyân tâifesinden Yakomi v. Todori mahfil-i kazâda Meyhâneci Pavlo v. Kosta nâm zimmîyi ihzâr ve mahzarında takrîr-i da‘vâ edüp mezbûr Pavlo Meyhâneci’de doksan dört müdre şarâb verip beher müdresini otuzar akçeden cem‘an üç bin yüz yirmi akçe hakkım olup suâl olundukda bi-hasebi’ş-şer‘i’ş-şerîf alıverilmesi matlûbumdur dedikde gıbbe’s-suâl zimmî-i mezbûr Meyhâneci-i mezbûr Yakomi’den doksan dört müdre şarâbı beher medresi otuzar akçe hesâbı üzre iki bin sekiz yüz akçe hakkı olup …? ve bin akçe dahi mukaddemâ vereceğim var idi. Ba‘de küll-i hesâb zimmetimde edâsı lâzım üç bin yüz yirmi akçe hakkı vardır deyü ikrâr ve i‘tirâf eylediğin müdde‘î-i mezbûr Yakomi talebiyle mâ hüve’l-vâki‘ bi’t-taleb [ketb] olundu.
Tahrîren fî-evâil-i evvel-i Rebî‘ayn li-seneselâsîn ve elf.
[Şuhûdü’l-hâl:] Ali b. Ahmed, Osman b. Hasan, Receb b. Ali, Ahmed
Sahh.
|