|
Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 114 Hüküm no: 156 Orijinal metin no: [62-4] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Yakomi v. Todori’nin Mihal’den alacaklı olduğu
Zimmiyân tâifesinden Yakomi v. Todori, Meyhâneci Mihal v. ( ) nâm zimmî mahzarında takrîr-i da‘vâ edüp mezbûr Mihal’de otuzar medre şarap verip beher medresi otuzar akçedir ba‘de küll-i hesâb iki bin yedi yüz akçe hakkım vardır. Bi-hasebi’ş-şer‘i’ş-şerîf suâl olunup alıve[ri]lmesi matlûbumdur dedikde gıbbe’s-suâl zimmî-i mezbûr Mihal bi’l-muvâcehe mezbûr Yak[omi] zimmî yedinden iki bin yedi yüz akçe hesâbı üzre şarabı alıp el-ân zimmetimde iki bin yedi yüz akçe hakkı vardır. Edâsı lâzımdır deyü ikrâr ve i‘tirâf edicek mâ hüve’l-vâki‘ müdde‘î-i mezbûr Yakomi talebiyle ketb olundu.
Tahrîren fî-evâil-i evvel-i Rebî‘ayn ihdâ [ve] selâsîn ve elf.
Şuhûdü’l-hâl: Mustafa b. Ali, Ahmed b. Murad, Osman b. Hızır, Mustafa [b.] Hasan ve gayruhum mine’l-hâzırîn
|