.:: İstanbul Kadı Sicilleri ::. 

Hasköy Mahkemesi 3 Numaralı Sicil (H. 1023-1081 / M. 1615-1670)
cilt: 52, sayfa: 114
Hüküm no: 158
Orijinal metin no: [63-2; Arapça]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Müşfika bt. Abdullah’ın Mustafa b. Seydi’den muhâlaa ile boşandığı

Havâss-ı Kostantıniyye el-mahmiye muzâfâtından Hasköy mahallâtından Abdüsselam mahallesinde sâkine olan Müşfika bt. Abdullah nâm hatun meclis-i şer‘-i şerîfde zevci bâ‘is-i hâze’l-kitâb Mustafa b. Seydi nâm kimesneden muhâla‘a oldukda ol dahi üzerine nikâh akd edilmiş olan ve mikdârı ve nisâbı râyic fi’l-vakt fıddî üç yüz Osmânî akçe olan mehr-i müecceli ile iddeti devam ettiği süre için olan nafaka-i iddeti ve me’ûnet-i süknâsı üzerine muhâla‘a-i sahîha-i şer‘iye ile muhâla‘a oldukta akd-i cedîd ve sayılı sadâk-ı müste’nef olmaksızın helâl olmayacak şekilde ondan bâyinen boşanmış oldu. Daha sonra her biri diğerinin zimmetini umûmen bütün da‘vâ ve mutâlebât ile eymândan ve husûsan hukūk-ı zevciyete müte‘allik da‘vâlardan ibrâ-i âmm-ı kātı‘u’n-nizâ‘ ve râfi‘ün li’l-husûmet ile ibrâ etti.

Cerâ zâlike ve hurrire fi’l-yevmi’s-sâlis ve’l-işrîn fî şehr-i Rebî‘i’l-âhir li-sene ihdâ ve selâsîn ve elf.

Şuhûdü’l-hâl: Abdülhâdî Halîfe b. Hamdi el-imâm, Hüseyin Halîfe b. Abdullah el-imâm fi’l-mahalleti’l-mezbûre, Mehmed b. Mehmed, Kılıç b. Abdullah, Mehmed b. Mustafa