|
Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 135 Hüküm no: 198 Orijinal metin no: [89-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Subaşının bulduğu Pervane adlı gulamın Ali’ye ait olduğu
Abdullah nâm kimesne meclis-i şer‘a ihzâr [olup] muvâcehesinde takrîr ve mezbûr subaşının mahbesinde olan Eflakī cinsi işbu Perv[ane] nâm gulâm benim mal [ve] mülkümdür bi-hasebi’ş-şer‘i’ş-şerîf taleb ederim dedikde merkūm subaşıya suâl olundukda, dediği bir oğlandır buldum kimindir bilmezin dedikde müdde‘î-i mezbûrdan beyyine taleb olundukda udûl-i ricâlden Mustafa b. Mehmed el-imâm ve Mustafa b. Abdullah nâm kimesneler şehâdet-i şer‘iye eyleyip dediler ki işbu Pervâne nâm gulâm Ali nâm kimesnenin kuludur Allah için şâhidleriz şehâdet dahi ederiz dedikde şehâdetleri hayyiz-i kabûlde vâki‘ oldukda mezbûru müdde‘î-i mezkûra hükmolunup ve teslîmine emrolundukdan sonra mâ-hüve’l-vâki‘ Ali nâm kimesne talebiyle kayd-ı sicil olundu.
Tahrîren fî-evâili Saferü’l-muzaffer sene tis‘a ve elf.
Şuhûdü’l-hâl: Muslı Çelebi b. Hasan sarrâc, Mehmed b. Haydar, Hamza b. İsmail, Mustafa b. Bağşi, Mustafa b. Mehmed Reis, Cafer b. Sefer
|