.:: İstanbul Kadı Sicilleri ::. 

Hasköy Mahkemesi 3 Numaralı Sicil (H. 1023-1081 / M. 1615-1670)
cilt: 52, sayfa: 136
Hüküm no: 199
Orijinal metin no: [89-2]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Mustafa’nın Tolu b. Veli’nin alacağına kefil olduğu

Oldur ki, Hasköy sâkinlerinden Tolu b. Veli nâm kimesne mahfil-i kazâda mahalle-i mezbûreden Mustafa nâm kimesneyi meclis-i şer‘a ihzâr muvâcehesinde takrîr-i kelâm edip mezbûr Mustafa pereme bahâsından dört yüz akçeye kefîl olmuşdur bi-hasebi’ş-şer‘i’ş-şerîf taleb ederim dedikde merkūm Mustafa’ya suâl olundukda inkâr ile cevâb vericek müdde‘î-i mezbûrdan dört yüz akçeye kefîl olduğuna beyyine taleb olundukda udûl-i ricâlden Yakub b. Abdullah ve Abdi b. Abdullah nâm kimesneler şehâdet-i şer‘iye eyleyip dediler ki, mezbûr Mustafa merkūm Tolu’nun dört yüz akçesine kefîl oldu Allah için şâhidiz şehâdet dahi ederiz dedikde, şehâdetleri hayyiz-i kabûlde vâki‘ oldukda hükmolunup mâ-hüve’l-vâki‘ kayd-ı sicil olundu.

Fî-târîhi’l-mezbûr.

Şuhûdü’l-hâl: Ömer b. Osman, Hüseyin b. Abdullah, Halil b. Ali, Osman b. Ali, Mehmed b. Kasım