.:: İstanbul Kadı Sicilleri ::. 

Hasköy Mahkemesi 3 Numaralı Sicil (H. 1023-1081 / M. 1615-1670)
cilt: 52, sayfa: 137
Hüküm no: 202
Orijinal metin no: [90-2]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Ayşe bt. İsmail’in evini Mosi’ye kiraya verdiği

Havâss-ı Kostantıniyye muzâfâtından Hasköy sâkinlerinden Âişe bt. İsmail nâm hatuna vekîl olan Ümmü Gülsün bt. Mehmed nâm hatun mahfil-i şer‘-i şerîfe hâzıra olup işbu sahibü’l-kitâb Mosi v. İsrail nâm Yahûdî mahzarında ikrâr ve i‘tirâf edip Hasköy’de vâki‘ mumhâne ardında üç bâb (...) evlerimi üstünün meremmâtıyla târih-i kitâbdan ayda yüzer akçe hesâbıyla kirâya verdim, iki yıl tamamına varınca peşince iki bin dört yüz nakd-i râyic fi’l-vakt akçesin aldım deyü ikrâr ve i‘tirâf eyledikde mukırr-ı merkūmun ikrârın mukarrun lehu’l-mezbûr Mosi [91] bi’l-muvâcehe tasdîk ve tahkīk edip mâ-hüve’l-vâki‘ bi’t-taleb [ketb] olundu.

Tahrîren fî-evâili Saferü’l-muzaffer sene tis‘a ve elf.

Şuhûdü’l-hâl: Usta Ahmed b. Abdülmennan, Ömer Bey b. Abdullah sarrâc-ı hâssa, Ahmed b. Cafer el-imâm, Sinan b. Abdullah el-müezzin, Mehmed b. Kasım