|
Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 138 Hüküm no: 205 Orijinal metin no: [91-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Yorgi’nin Andriya’da alacağı olduğu
Oldur ki, Hasköy’de sâkin Yorgi v. Esdad nâm zimmî mahfil-i kazâda Hasköy’den Andriya v. Yani nâm zimmî muvâcehesinde takrîr-i kelâm edip mezbûr Andriya’da kırk yedi akçem vardır taleb ederim vermez, suâl olunsun dedikde, gıbbe’s-suâl ba‘de’l-hesâb otuz akçesin inkâr eyleyip müdde‘î-i mezbûrdan beyyine taleb olunup beyyineden âciz olup âyin-i bâtılaları üzerine Andriya’ya yemîn verilip kayd-ı sicil olundu.
Tahrîren fî-târîhi’l-mezbûr.
Şuhûdü’l-hâl: Mehmed b. Kasım, İlyas b. Abdullah ve gayruhum
|