.:: İstanbul Kadı Sicilleri ::. 

Hasköy Mahkemesi 3 Numaralı Sicil (H. 1023-1081 / M. 1615-1670)
cilt: 52, sayfa: 139
Hüküm no: 207
Orijinal metin no: [92-2; Arapça]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Niko v. Estemad’ın evini Merhum Ahmed Paşa Vakfı’na istiğlal yoluyla sattığı

Hazret-i Ebâ Eyyûb el-Ensârî kazâsı tevâbi‘inden Hasköy nâm karyede sâkin Niko v. Estemad ikrâr etti ki, hâmil-i hâze’l-kitâb Merhûm Ahmed Paşa Vakfı’na kāimmakām-ı mütevellî olan Recep Efendi b. Sefer’e ikisi arasında bu akdin sudûruna değin kendisine ait mülkü olan ve tasarrufu altında bulunan karye-i mezbûrede vâki‘ iki taraftan Papa Yorgi mülkü, [bir taraftan] Dimitri v. Yorgi ve [bir taraftan] tarîk-ı âmm ile mahdûd olan cemî‘-i menzilini bi-cümleti’l-hudûd ve kâffetü’l-hukūk miktârı yirmi iki bin fıddî râyic fi’l-vakt akçe semen-i mu‘ayyen-i makbûza bey‘ ettikde ol dahi vakf-ı mezbûrun malı ile istiğlâl için iştirâ edip ba‘de’t-tahliye ve’t-takābuz zeyl-i kitâbın târihi şehri gurresinden sene-i kâmile gāyetine varıncaya kadar bu müddet içinde miktarı iki bin iki yüz vasfı mezbûr akçe ücret-i mu‘ayyeneye [mütevellî-i mezbûrdan] kendisinin îcâr ve istîcar-ı sahîhayn-i şer‘iyen ile îcâr ettiğini [93] ve onun dahi ona kiraladığını ikrâr-ı sahîh-i şer‘î eyledikde men lehu’t-tasdîk kıbelinden dahi vicâhen tasdîk olundu. Daha sonra mukırra-i mezbûrenin zevcesi Komyano bt. Estemad emr ve kabûlü hâviye kefâlet-i sahîha-i şer‘iye ile kefîl oldu.

Cerâ zâlike ve hurrire fî evâsıt-ı şehr-i Saferü’l-muzaffer li-sene tis’în ve elf.

Şuhûdü’l-hâl: Mehmed Bey b. Abdullah Bevvâb-ı Sultânî, Mustafa b. Hasan el-imâm, Fahrü’l-akrân Esedullah Çavuş b. Mustafa, Mustafa Beşe? b. Abdullah er-râcil, Kaya Bey b. Ahmed, Hüsrev Bey b. Abdullah, Rıdvan Bey b. Abdullah, Halil b. İbrahim el-müezzin, Recep Efendi b. Sefer el-müderris, Seyyid Hasan b. Seyyid Hamza, Hayrüddîn b. Mahmud el-Hatîb, Mahmud b. Hanif ve gayruhum