|
Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 140 Hüküm no: 208 Orijinal metin no: [93-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Peremeci Ahmed’in kendisine hakaret eden Mihal’den davacı olduğu
Havâss-ı Kostantıniyye <> tevâbi‘inden Hasköy sâkinlerinden Ahmed b. Mahmud nâm peremeci mahfil-i kazâda Mihal v. Niko nâm kimesneyi meclis-i şer‘a ihzâr muvâcehesinde takrîr-i kelâm ve ta‘bîr-i merâm kılıp merkūm Mihal bana, bre çıfıt oğlu çıfıt dedi, şer‘le hakkım taleb ederim dedikde merkūm Mihal’e suâl olundukda inkâr ile cevâb vericek müdde‘î-i mezbûrdan beyyine taleb olundukda udûl-i ricâlden Himmet b. Mehmed ve Mehmed b. Haydar nâm kimesneler şehâdet-i şer‘iye eyleyip dediler ki, merkūm Mihal mezbûr Ahmed’e, bre çıfıt oğlu çıfıt dedi, Allah için şâhidiz, şehâdet dahi ederiz dedikde, şehâdetleri hayyiz-i kabûlde vâki‘ oldukda mâ-hüve’l-vâki‘ bi’t-taleb kayd-ı sicil olundu.
Tahrîren fî-târîhi’l-mezbûr.
Şuhûdü’l-hâl: Seyyid Hasan b. Seyyid Hamza, Halil b. Ali, Muslı Çelebi b. Hasan sarrâc, Mehmed b. Yahya, Kurt Çelebi, Mustafa b. Abdurrahman er-râcil
|