.:: İstanbul Kadı Sicilleri ::. 

Hasköy Mahkemesi 3 Numaralı Sicil (H. 1023-1081 / M. 1615-1670)
cilt: 52, sayfa: 143
Hüküm no: 214
Orijinal metin no: [96-1]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Ali b. Seydi adlı peremeci ile Mehmed’in Kağıthane sazlığında livata ederken yakalandıkları

Havâss-ı Kostantıniyye muzâfâtından Hasköy’de bi’l-fi‘il subaşı olan Sinan b. Abdülmennan ve Hasköy müstahfızlarından Solak Mehmed Bey nâm kimesneler mahfil-i kazâda Şa‘ban mahallesinden Ali b. Seydi nâm peremeci ve Eyyûb el-Ensârî’den Mehmed b. Ali nâm emred oğlanı meclis-i şer‘a ihzâr muvâcehesinde takrîr-i kelâm edip mezbûrlar Kâğıdhâne sazlığında livâta ederken ahz eyledik, bi-hasebi’ş-şer‘-i şerîf suâl olunup tahrîr olunmasın taleb ederiz dedikde mezbûr Ali’ye suâl olundukda Kâğıdhâne sazlığında boza içerdik deyü cevâb verip Mehmed nâm oğlana suâl olundukda sazlıkda balık avlarken benim yanıma geldi, bana livâta kasdedip ben dahi çığırıp figān ederken Sinan subaşı gelip kurtardı deyü cevâb verdikden sonra Müslümânlardan Mehmed ve Ali nâm peremeciler dahi biz gördük, ikisinin dahi donları elinde idi deyü şehâdet-i şer‘iye eyleyip şehâdetleri hayyiz-i kabûlde vâki‘ oldukda mâ-hüve’l-vâki‘ bi’t-taleb kayd-ı sicil olundu.

Tahrîren fî-evâhiri Saferü’l-muzaffer sene tis‘a ve elf.

Şuhûdü’l-hâl: Musa b. Mehmed, Hüseyin b. Hasan, Muslı Çelebi b. Hasan sarrâc, Hızır b. Ömer, Mehmed b. Mehmed el-hatîb, Hüsrev b. Abdullah el-mütevellî

Cafer b. Turşucu Sefer ikrâr

180 ribhden bin sekiz yüz guruş müeccel talebi ile kayd şüd.

İntihâ-i niyâbeti bi-Hasköy ufiye anhümâ.