|
Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 144 Hüküm no: 216 Orijinal metin no: [97-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Veli b. Mehmed’in Seydi’den aldığı peremeyi geri verdiğinden parayı iadesi
Oldur ki, Hasköy sâkinlerinden Veli b. Mehmed nâm peremeci mahfil-i kazâda Seydi b. Yar Ahmed nâm kimesne muvâcehesinde takrîr-i kelâm edip mezbûr Seydi’den bir pereme aldım idi, iki yüz elli akçesin verdim idi, peremesin geri verdim, iki yüz akçeyi bana vermez, bi-hasebi’ş-şer‘i’ş-şerîf taleb ederim, suâl olunsun dedikde gıbbe’s-suâl inkâr ile cevâb vericek, müdde‘î-i mezbûrdan beyyine taleb olundukda şâhidim şimdi bunda yokdur, yemîn eylesin dedikde merkūm Seydi’ye yemîn teklîf olunup yemînden nükûl eyleyip iki yüz elli akçe hükmolunup kayd-ı sicil olundu.
Tahrîren fî-evâili şehri Rebî‘i’l-evvel sene tis‘a ve elf.
Şuhûdü’l-hâl: Hasan b. Süleyman, İbrahim b. Mahmud, Hüseyin b. Bostan
|