|
Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 144 Hüküm no: 217 Orijinal metin no: [97-3] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Menahim v. Lazari’nin bağını Papula v. Avraham’a sattığı
Havâss-ı Kostantıniyye muzâfâtından Hasköy sâkinlerinden Edirne cemâ‘atinden Menahim v. Lazari nâm Yahûdî meclis-i şer‘-i şerîf-i Nebevî ve mahfil-i dîn-i münîf-i Ahmedî’ye hazır olup işbu hâmil-i hâze’l-kitâb Papula v. Avraham nâm Yahûdî mahzarında ikrâr ve i‘tirâf edip Kâğıthane kurbünde vâki‘ bir tarafı Mihal v. Simitçi bağına ve bir tarafı vadi ve iki tarafı [tarîk-ı?] âmma işbu hudûd-ı erba‘a ile mahdûd olan otuz iki dönüm bir kıt‘a mülk bağımı iki yüz elli altı akçe mukāta‘a ile sekiz bin nakd râyic fi’l-vakt akçeye bey‘-ı bâtt-ı sahîh ile bey‘ edip ol dahi vech-i meşrûh üzere iştirâ edip kabz-ı semen ve teslîm-i mebî‘ edip mukırr-ı merkūmun ikrâr-ı meşrûhun mukarrun lehu’l-mezbûr Papula bi’l-muvâcehe [98] (...) ve tahkīk ettikden sonra Hasköy sâkinlerinden Papa Yarmanos? v. Nikola ve Manol v. Papa Yorgi nâm zimmîler meclis-i şer‘-i şerîfde bağ-ı mezbûrun zararına emr-i kabûlü hâvî kefâletle kefîl oldukdan sonra mâ-hüve’l-vâki‘ bi’t-taleb ketb ve imlâ olundu.
Tahrîren fî-evâili şehri Rebî‘i’l-evvel sene tis‘a ve elf.
Şuhûdü’l-hâl: Halil b. Ali el-hatîb, Ömer Bey b. Abdullah sarrâc-ı hâssa, Sinan b. Abdullah el-müezzin-i ahur-ı hâssa, Halil b. İbrahim el-müezzin-i Hacı Şa‘ban, İsmail Çelebi b. Ahmed bevvâb-ı sultânî, Seyyid Hasan b. Hamza, Mehmed b. Kasım, Murad b. Abdullah şorbacı, Mustafa b. Kaya sarrâc, Yakob v. Yasef, Avraham v. Avraham, Yakob v. Polateki, Aharon v. Loko ve gayruhum
|