|
Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 145 Hüküm no: 218 Orijinal metin no: [98-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Yakob v. İsak’ın hanımının muhallefatı
Vech-i tahrîr-i hurûf budur ki, Hasköy sâkinlerinden Yakob v. İsak nâm Yahûdî’nin zevcesi olan Horşi bt. Menahim fevt olup muhallefât tahrîr olunup on beş bin akçelik esbâbı olup ve yirmi beş bin akçe mehri olup cem‘an kırk bin akçesi bilinip resm-i kısmet alınıp yedine temessük verildi ki kimesne dahl ü ta‘arruz eylemeye.
Tahrîren fî-evâsıtı şehri Rebî‘i’l-evvel sene tis‘a ve elf.
|