|
Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 148 Hüküm no: 227 Orijinal metin no: [102-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Nevruz v. Maksud’un aldığı borç konusundaki davada anlaşma sağlandığı
(...) nâm Ermeni mahfil-i kazâda Pîrî Paşa sâkinlerinden işbu râfi‘u’l-kitâb Nevruz v. Maksud nâm Ermeni muvâcehesinde takrîr-i kelâm edip mezbûr Nevruz’a dokuz sikke flori verdim, üç floriyi yılda dört flori hesâb üzere verdim, üç yıl mürûr etti, şimdi taleb ederim vermez, bi-hasebi’ş-şer‘-i şerîf suâl olunup hakkım taleb ederim dedikde mezbûr Nevruz’a suâl olundukda dedi ki, merkūm Kazal’dan dokuz flori ödünç aldım, fâide ile almadım deyü inkâr ile cevâb verdikde merkūm Kazal’dan fâideye verip devr-i şer‘î olduğuna beyyine taleb oldukda beyyineden âciz oldukdan sonra mezbûr Nevruz’dan dokuz sikke flori hükmolunup dokuz floriyi bi’l-muvâcehe verip haklaşdıkdan sonra mezbûr Kazal dahi dokuz floriyi bi’t-tamam aldım haklaşdım, bir dahi taleb edersem inde’l-hükkâmi’l-kirâm mesmû‘a ve makbûle olmaya deyü ikrâr ve i‘tirâf ettikde mukırr-ı merkūmun kelâm-ı meşrûhunu mukarrun lehu’l-mezbûr Nevruz bi’l-muvâcehe tasdîk ve tahkīk ettikden sonra mâ-hüve’l-vâki‘ bi’t-taleb ketb ü imlâ olundu.
Tahrîren fî-evâhiri şehri Rebî‘i’l-evvel sene tis‘a ve elf.
Şuhûdü’l-hâl: Mustafa b. Hasan el-imâm, Hasan b. Abdullah, Hüseyin b. Abdullah acemi oğlanı, Muharrem b. Abdullah acemi oğlanı
|