|
Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 149 Hüküm no: 229 Orijinal metin no: [103-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Mado v. Maho’nun annesine vermesi için Miro’ya verdiği paranın bir kısmının teslim edilmediği
Oldur ki, Pîrî Paşa sâkinlerinden Mado v. Maho nâm Arnavud mahfil-i kazâda karye-i mezbûr sâkinlerinden Miro v. Pedri nâm Arnavud’u meclis-i şer‘a ihzâr edip mezbûr Miro’ya üç sikke flori ve kırk akçe verdim, sılada vâlideye veresin dedim idi vermemiş, bir sikke floriyi verdi iki sikke floriyi ve kırk akçeyi vermez, bi-hasebi’ş-şer‘i’ş-şerîf suâl olunup hakkım taleb ederim dedikde mezbûr Miro’ya suâl olundukda inkâr ile cevâb verip müdde‘î-i merkūmdan beyyine taleb olundukda beyyineden âciz olup yemîn eylesin dedikde mezbûr Miro’ya yemîn teklîf olunup yemînden nükûl eyledikden sonra iki flori ve kırk akçeye hükmolunup kayd-ı sicil olundu.
Tahrîren fi’t-târîhi’l-mezbûr.
Şuhûdü’l-hâl: Mustafa b. Hasan el-imâm-ı Piri, Sinan b. Mehmed, Seyyid Hasan b. Seyyid Hamza
|