|
Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 150 Hüküm no: 231 Orijinal metin no: [104-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
İsak v. Arslan’ın Mosi’den kiraladığı evin kirasını ödemesine hükmolunduğu
Vech-i tahrîr-i hurûf oldur ki, Hasköy sâkinlerinden Mosi v. Simo nâm Yahûdî mahfil-i kazâda karye-i mezbûreden İsak v. Arslan nâm Yahûdî’yi meclis-i şer‘a ihzâr muvâcehesinde takrîr-i kelâm edip merkūm İsak’a bir ev kirâya verdim, günde üçer buçuk akçeye üç ay oldu vermez, şimdi koyup gitmek ister imiş, bi-hasebi’ş-şer‘i’ş-şerîf hakkım taleb ederim dedikde merkūm İsak’a suâl olundukda ikrâr eyleyip ba‘de’l-hesâb iki yüz otuz beş akçeye hükmolunup mâ-hüve’l-vâki‘ kayd-ı sicil olundu.
Tahrîren fî târihi’l-mezbûr.
Şuhûdü’l-hâl: İlyas Beşe b. Abdullah, Hızır b. Ömer, Turhan b. Seydi, Hasan b. Hamza.
Sicill-i sâbıkda olan iki yüz otuz beş akçeye Muhzır Hasan tahsîline havâle olundu.
Tahrîren fî-tâhrîri’l-mezbûr.
Şuhûdü’l-mezbûr
|