.:: İstanbul Kadı Sicilleri ::. 

Hasköy Mahkemesi 3 Numaralı Sicil (H. 1023-1081 / M. 1615-1670)
cilt: 52, sayfa: 151
Hüküm no: 232
Orijinal metin no: [104-2]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Mehmed b. Abdullah’ın kaybolan peremeci İsmail’de kalan alacağını talep ettiği

Havâss-ı Kostantıniyye muzâfâtından Hasköy’de Südlüce mahallesinde sâkin olup acemi oğlanı zümresinden Mehmed b. Abdullah nâm kimesne Hasköy subaşısı olan Sinan Bey b. Abdullah nâm kimesneyi mahfil-i kazâya ihzâr ve mahzarında takrîr-i da‘vâ edip bundan akdem mezbûr Sinan Bey, gāibdir deyü dört kürek bir peremesin mîrî için kabz ettiği İsmail nâm kimesneye [ait] sekiz bin iki yüz akçeye dört kürek bir pereme bey‘ edip iki bin yedi yüz akçesin alıp bâkī beş bin beş yüz akçe hakkım kaldı gāib-i mezbûrun peremesi mezbûr Sinan Bey yedindedir şer‘le hakkım taleb ederim suâl olunsun dedikde gıbbe’s-suâl merkūm Sinan Bey fi’l-vâki‘ emânetim hasebiyle gāib-i mezkûrun dört kürek bir peremesin kabz ettim, lâkin mezbûr Mehmed’in gāib İsmail üzerinde hakkı var idiği ma‘lûmum değildir (...) olmağın müdde‘î-i mezbûrdan da‘vâsına mutâbık beyyine taleb (...) udûl-i Müslimîn’den Peremeciler Kethudâsı Mustafa (...) b. İlyas nâm kimesneler li-ecli’ş-şehâde hâzırân olup merkūm Mehmed mezbûr İsmail’e bizim huzûrumuzda (...)