.:: İstanbul Kadı Sicilleri ::. 

Hasköy Mahkemesi 3 Numaralı Sicil (H. 1023-1081 / M. 1615-1670)
cilt: 52, sayfa: 152
Hüküm no: 234
Orijinal metin no: [105-2]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Morses’in oğlu Artin’in denize düşerek boğulduğu

Havâss-ı aliyye kazâsı muzâfâtından kasaba-i Hasköy’de Abdüsselam mahallesinde sâkin Morses v. Harafi? nâm Ermeni mahfil-i kazâda takrîr-i kelâm edip târih-i kitâbdan üç gün mukaddem sagīr oğlum Artin nâm Ermeni gāib olmuş idi. Şimdi kasaba-i mezbûrede kiremitler, harmanlarda? vezîr-i a‘zam hazretlerinin leb-i deryâda harman odaları kurbünde kendi sun‘u ile deryâya düşüp garîkan fevt olmuşdur. Cânib-i şer‘den üzerine varılıp keşf [ve] tahrîr olunmak matlûbumdur dedikde bu fakīr kasaba-i mezbûre subaşısı olan Yusuf Ağa ve Şorbacı olan Hüseyin Ağa ile mahâll-i mezbûra varılıp ve zeyl-i kitâbda mastûrü’l-esâmî olan Müslimîn huzûrunda akd-i meclis-i şer‘-i şerîf olunup nazar olundukda fi’l-vâki‘ kendi sun‘u ile deryâya düşüp gark olduğu keşf [ve] müşâhede olundukdan sonra defnine izin verilip mâ-vaka‘a bi’t-taleb ketb olundu.

Tahrîren fi’l-yevmi’s-sâbi‘ ve’l-işrîn min-şehri Rebî‘i’l-evvel li-sene ihdâ ve semânîn ve elf.

Şuhûdü’l-hâl: Mehmed Efendi b. Mustafa, Abdülbaki Çelebi b. Ahmed, Mehmed Beşe b. Hüseyin, Abdülbaki b. Şa‘ban huddâm-ı mahkeme