.:: İstanbul Kadı Sicilleri ::. 

Hasköy Mahkemesi 3 Numaralı Sicil (H. 1023-1081 / M. 1615-1670)
cilt: 52, sayfa: 160
Hüküm no: 247
Orijinal metin no: [111-2]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Manolaki’nin cariyesi iken Müslüman olup Meryem adını alan Anaşta’nın mahalle imamına emaneten bırakıldığı

Havâss-ı aliyye kazâsı muzâfâtından kasaba-i Hasköy’de Kiremitçi Ahmed Çelebi mahallesinde sâkin Rusiyyetü’l-asl Anaşta bt. Yuvan nâm câriye-i kâfire meclis-i şer‘-i şerîfde hâzıra olup hâkim-i muvakkı‘u’l-kitâb -tûbâ-lehû ve hüsn-i me’âb- huzûrunda dîn-i bâtılı terk edip şerâit-i mu‘tebere üzere İslâm’a dâhil olup sahibi tefahhus olundukda yine mahalle-i mezbûrede sâkin Manolaki nâm zimmînin câriyesiyim deyü rıkkıyetini mu‘terife olup mezbûr Manolaki dahi meclis-i şer‘a ihzâr olunup suâl olundukda kendünün câriyesi olduğunu mu‘terif olmağın ber-mûceb-i kadîm bir Müslim’e bey‘ etmeye tenbîh ve mezbûrenin ismi Meryem vaz‘ olunup bey‘ edinceye dek mahalle-i mezbûre imâmı Mehmed Efendi’ye emânet verildi.

Tahrîren fi’l-yevmi’t-tâsi‘ fi’l-işrîn min-şehri Rebî‘i’l-âhir li-sene ihdâ ve semânîn ve elf.

Şuhûdü’l-hâl: Mehmed Efendi b. Mustafa el-imâm, Mehmed Ağa b. Ahmed Ağa, Mehmed Beşe b. Mustafa, Ramazan Bey b. Abdullah, Dilaver Bey b. Abdullah, Hüseyin b. Abdülkadir