.:: İstanbul Kadı Sicilleri ::. 

Hasköy Mahkemesi 3 Numaralı Sicil (H. 1023-1081 / M. 1615-1670)
cilt: 52, sayfa: 165
Hüküm no: 255
Orijinal metin no: [115-2]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Kemol v. Mosi’nin cariyesini kitabet yoluyla azat ettiği

Havâss-ı aliyye kazâsı muzâfâtından kasaba-i Hasköy’de el-Hâc Şa‘ban mahallesinde sâkin Kemol v. Mosi nâm Yahûdî meclis-i şer‘-i şerîfde kendüye rıkkıyetini mu‘terife olan orta boylu, çatık kaşlı, kara gözlü, Rusiyyetü’l-asl işbu sahibetü’s-sifr Mezelto bt. Betrak nâm câriyesi muvâcehesinde ikrâr ve takrîr-i kelâm edip târih-i kitâbdan yedi sene tamamına dek bana sadâkatle hizmet etmek üzere kitâbete kesip yedi sene tamamında malımdan âzad olup sâyir ahrâr-ı asliyât gibi hürre olsun dedikde ol dahi kitâbet-i mezbûreyi kabûl e[d]icek mâ-hüve’l-vâki‘ bi’t-taleb ketb olundu.

Tahrîren fî ( ).

Şuhûdü’l-hâl: Ramazan Bey b. Abdullah, Dilaver Bey [b.] Abdullah, Hüseyin Efendi b. Abdülfettah, Abdi Çelebi b. Kadri, Kemerci? Mihal