|
Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 170 Hüküm no: 262 Orijinal metin no: [118-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Kalemere bt. Şeban’ın gulamını azat ettiği
Havâss-ı aliyye kazâsı muzâfâtından kasaba-i Hasköy’de Kiremitçi Ahmed Çelebi mahallesinde sâkin Kalemere bt. Şeban nâm Yahûdiyye meclis-i şer‘-i şerîfde rıkkını kendüye mu‘terif olan çatık kaşlı, kara gözlü, Gürciyyü’l-asl işbu bâ‘isü’s-sifr Ahrablako v. Vasil nâm sagīr gulâm muvâcehesinde ikrâr ve takrîr-i kelâm edip mezbûr Ahrablako’yu hasbeten lillâhi te‘âlâ lâ li-ivazin âcil velâ li-garazin ‘âcil tahrîr ve i‘tâk eyledim, sâir ahrâr-ı asliyyîn gibi hür olup min-ba‘d mezbûr Ahrablako üzerinde hakk-ı velâdan gayrı hakkım bâkī kalmadı dedikde gıbbe’t-tasdîk mâ-vaka‘a bi’t-taleb [ketb] olundu.
Tahrîren fi’l-yevmi’t-tâsi‘ ve’l-işrîn min-Cumâdelûlâ li-sene ihdâ ve semânîn ve elf.
Şuhûdü’l-hâl: İbrahim Çelebi b. Ali, Ramazan Bey b. Abdullah, Hüseyin Çavuş b. Abdullah, Veli Bey b. Abdullah, Dilaver Bey b. Abdullah ve gayruhum
|