.:: İstanbul Kadı Sicilleri ::. 

Hasköy Mahkemesi 3 Numaralı Sicil (H. 1023-1081 / M. 1615-1670)
cilt: 52, sayfa: 177
Hüküm no: 276
Orijinal metin no: [124-1]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Rus asıllı cariyenin Müslüman olarak Ayşe adını aldığı

Havâss-ı aliyye kazâsı muzâfâtından kasaba-i Hasköy’de Pîrî Paşa mahallesinde sâkine Rusiyyetü’l-asl Gülbeyaz bt. İleko nâm câriye-i kâfire meclis-i şer‘-i şerîfde hâzıra olup hâkim-i muvakkı‘u’l-kitâb ve -tûbâ-lehû ve hüsnü-meâb- hazretleri huzûrunda dîn-i bâtılı terk edip şerâit-i mu‘tebere üzere İslâma dâhil olup sahibi tefahhus olundukda mahalle-i mezbûrede sâkine Riga bt. ( ) nâm Yahûdiyye’nin câriyesiyim deyü rıkkıyetini mu‘terife olup mezbûre Riga nâm Yahûdiyye dahi meclis-i şer‘a ihzâr olunup suâl olundukda kendünün câriyesi olduğunu mu‘terife olmağın ber-mûceb-i şer‘-i kavîm bir Müslim’e bey‘ etmeğe tenbîh ve mezbûrenin ismi Âişe vaz‘ olundu.

Tahrîren fi’l-yevmi’s-sâbi‘ min-Cemâziyelûlâ li-sene ihdâ ve semânîn ve elf.

Şuhûdü’l-hâl: Ramazan Bey b. Abdullah, Dilaver Bey b. Abdullah, Mehmed Beşe b. Hızır, Mehmed Beşe b. Abdullah, Mustafa Çelebi b. Mehmed, Ahmed b. Sefer, Mustafa Beşe b. Şa‘ban

Ayasofya kurbünde Üsküb mahallesi imâmı kefîl oldu Abdurrahman Efendi.