|
Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 180 Hüküm no: 282 Orijinal metin no: [126-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Esmina bt. Yanaki ile Saltan bt. Andriya’nın bağlarını sattıkları
Havâss-ı Kostantıniyye tevâbi‘inden Hasköy sâkinelerinden Esmina bt. Yanaki ve Saltana bt. Andriya nâm zimmiyeler mahfil-i kazâda Manol v. Yanaki nâm zimmî muvâcehe[sinde] ikrâr ve takrîr-i merâm edip Kâğıdhâne kurbünde hudûdunun bir tarafı Pavli v. ( ) ve bir tarafı Pazarcı Nikola bağları ile ve tarafeyni tarîk-i âmmla mahdûd olan ale’l-iştirâk mutasarrıf olduğumuz tahmînen on dönüm mülk bağımızı içinde olan eşcâr-ı müsmire ve gayr-ı müsmiresiyle mezbûr Manol’a on beş bin nakd ve râyic fi’l-vakt akçeye bey‘-ı bâtt-ı sahîh ile bey‘ edip kabz-ı semen ve teslîm-i mebî‘ eyledik ki ba‘de’l-yevm keyfe mâ yeşâ’ ve yehtâr mutasarrıf olsun dediklerinde mukırratân-ı merkūmetânın vech-i meşrûh üzere olan ikrârların mukarrun lehu’l-mezbûr Manol vicâhen ve şifâhen tasdîk ettikden sonra mebî‘-i merkūmun zararına karye-i merkūmede sâkin Dimitri v. Yorgi nâm zimmî emri ve kabûlü hâvî kefâletle kefîl oldu dedikde mâ-hüve’l-vâki‘ bi’t-taleb ketb olundu.
Cerâ zâlike ve hurrira fî-evâili Safer li-sene 1008.
Şuhûdü’l-hâl: Şa‘ban el-muhzır, Kostantin şekerci, Mihal v. ( ), Dimitri v. Mihal, Mavridi v. Todori, Doka v. Gaspar, Mihal v. Yani, Arosto v. Dimitri, ...?
|