|
Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 180 Hüküm no: 283 Orijinal metin no: [127-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Anton v. Yani’nin Mihal v. Yani’de alacağı olduğunun şahitler vasıtasıyla ispat edildiği
Havâss-ı Kostantıniyye tevâbi‘inden Hasköy sâkinlerinden Anton v. Yani nâm zimmî mahfil-i kazâda Mihal v. Yani nâm zimmîyi ihzâr ve mahzarında takrîr-i da‘vâ edip mezbûr zimmîye iki bin nakid karz akçe verdim bi-hasebi’ş-şer‘ hakkım taleb ederim, suâl olunsun dedikde gıbbe’s-suâl ve’l-inkâr merkūm Anton’dan da‘vâsını musaddık beyyine taleb olundukda udûl-i Müslimîn’den Yusuf b. Abdullah nâm müezzin li-ecli’ş-şehâde hazır olup merkūm Anton mezbûr Mihal’den benim huzûrumda zikrolunan iki bin akçeyi taleb ettikde zimmetimde iki bin akçe vardır, dokuz yüz akçesin hâlen vereyim mâ‘adâsına bir mikdâr zaman mehil ver deyü ikrâr eyledi deyüp ve yine udûl-i Müslimîn’den İbrahim b. Abdullah nâm kimesne dahi benim huzûrumda merkūm Anton mezbûr Mihal’e karz iki bin nakd akçe verip teslîm eyledi deyü şehâdet-i şer‘iye ettiklerinde ba‘de’t-ta‘dîl ve’t-tezkiye şehâdetleri hayyiz-i kabûlde vâki‘ olup mâ-hüve’l-vâki‘ bi’t-taleb ketb olundu.
Cerâ zâlike ve hurrira fî evâsıtı Saferü’l-muzaffer li-sene semân ve elf.
Şuhûdü’l-hâl: Bekir b. Abdi, Hüseyin b. Ali et-tâlib, Hızır b. ( ) el-hayyât, Hasan Efendi el-müsta‘id
|