|
Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 181 Hüküm no: 284 Orijinal metin no: [127-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
İsmail Çelebi’nin evine havâlesi olan pencereleri nedeniyle komşusuyla olan anlaşmazlığın sulha sonuçlandığı
Hasköy’de sâkin Dergâh-ı âlî bevvâblarından fahrü’l-emâsil İsmail Çelebi b. Ahmed mahfil-i kazâda Yahûd tâifesinden Yahûda v. İsak nâm Yahûdî muvâcehesinde ikrâr ve takrîr-i merâm edip merkūm Yahûda’nın evinin bir kaç pencereleri benim evim üzere havâle olup beynimizde münâza‘ât-ı kesîre vâkı‘a olmuşdu. El-hâletü-hâzihî zikrolunan pencereleri mezbûr Yahûda kapayıp evimin üzerine havâlesini men‘ ve def‘ eyleyip merkūm Yahûdî ile husûs-ı mezbûr için da‘vâ ve nizâ‘ım kalmadı, ba‘de’l-yevm da‘vâ dahi edersem lede’l-hükkâmi’l-kirâm mesmû‘a ve makbûle olmasın dedikde mukırr-ı merkūmun ber-vech-i meşrûh sudûr eden kelimâtını mukarrun lehu’l-mezbûr Yahûda vicâhen ve şifâhen tasdîk ve tahkīk edicek mâ-vaka‘a alâ-vukū‘ihî bi’t-taleb ketb olunup yed-i tâlibe vaz‘ olundu.
Şuhûdü’l-hâl: Süleyman Çelebi b. Behram el-cündî, Mehmed b. Mehmed er-reîs, Hasan Bey b. Abdullah cebeci, Şa‘ban b. Abdullah el-muhzır, Hızır b. Ömer el-hayyât
|