.:: İstanbul Kadı Sicilleri ::. 

Hasköy Mahkemesi 3 Numaralı Sicil (H. 1023-1081 / M. 1615-1670)
cilt: 52, sayfa: 184
Hüküm no: 289
Orijinal metin no: [130-1]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Nikola v. Üstüyor’un Hoca Yakob’un mahzeninden içki ve elbise çaldığı

Havâss-ı Kostantıniyye tevâbi‘inden Hasköy’de sâkin Hoca Yakob v. İsak nâm Yahûdî Nikola v. Esteyor nâm zimmîyi mahfil-i kazâya ihzâr ve mahzarında tasvîr-i da‘vâ ve takrîr-i merâm kılıp mezbûr Nikola benim hizmetimde iken mahzenimde olan hamr fıçılarından hamr ve sâir esbâb sirka ettiğinden gayrı hâlen mezbûr Nikola[‘yı] ahşam namazından sonra zikrolunan mahzen içinde buldum cânib-i şer‘-i kavîmden suâl olunmak taleb ederin dedikde gıbbe’s-suâl mezbûr Nikola fi’l-vâki‘ zikrolunan mahzenin kilidini münâsib bir âhar miftâh bulup iki aydan mütecâvizdir içinden hamr alıp yine kilidini üzerine ururdum deyü i‘tirâfla cevâb verdiği bi’t-taleb kayd-ı sicil olundu.

Tahrîren fî-evâhiri Rebî‘i’l-evvel sene semân ve elf.

Şuhûdü’l-hâl: Mehmed b. Mustafa er-râcil, Mustafa b. Abdullah er-râcil, Şa‘ban b. Abdullah er-râcil, Hürrem b. Abdullah el-muhzır, David v. Abraham, Yanaki v. Kostantin ve gayruhum