.:: İstanbul Kadı Sicilleri ::. 

Hasköy Mahkemesi 3 Numaralı Sicil (H. 1023-1081 / M. 1615-1670)
cilt: 52, sayfa: 184
Hüküm no: 290
Orijinal metin no: [131-1; Arapça]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Ahmed b. Ali’nin Fâtıma bt. Ahmed’den muhâlaa ile boşandığı

Ahmed b. Ali kıbelinden zevcesi Fâtıma bt. Ahmed nâm hatun ile hul’ ve ibrâ-i âti’l-beyâna vekîl olup vekâleti Himmet b. Ataullah ve Mahmud b. Davut şehâdetleriyle sâbit olan Şa‘bân b. Birlik ikrâr ve i‘tirâf etti ki, [müvekkil-i mezbûr zevcesi ile] üzerine nikâh akd edilmiş olan mikdârı ve nisâbı râyic fi’l-vakt bin fıddî akçe olan mehri ve nafaka-i iddeti ile Rahime nâm sagīra kızının nafakası üzerine muhâla‘a-i sahîha-i şer‘iye ile muhâla‘a oldukda ol dahi akd-i cedîd ve sadâk-ı müste’nef olmaksızın kendisine helâl olmayacak şekilde ondan bâyinen boşanmış oldu. Daha sonra her biri diğerinin zimmetini umûmen bütün da‘vâ ve mutâlebâttan, eymân ve muhâsemâttan, husûsan hukūk-ı zevciyete müte‘allik da‘vâlardan ibrâ-i âmm-ı kātı‘u’n li’n-nizâ‘ ve râfi‘ün li’l-husûmet ile ibrâ ettikten sonra ikrâr-ı sahîh-i şer‘î ve i‘tirâf-ı sarîh-i mer‘î mezbûre Fâtıma kıbelinden vicâhen ve şifâhen tasdîk olundu.

Cerâ zâlike ve hurrire fî evâhir-i Rebî‘i’l-evvel li-sene semân ve elf.

Şuhûdü’l-hâl: Hürrem b. Abdullah el-Muhzır, Yusuf b. Abdullah el-müezzin, Hasan b. Abdullah, Mustafa b. Abdullah