.:: İstanbul Kadı Sicilleri ::. 

Hasköy Mahkemesi 3 Numaralı Sicil (H. 1023-1081 / M. 1615-1670)
cilt: 52, sayfa: 185
Hüküm no: 293
Orijinal metin no: [132-2]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Subaşının Mustafa Bey ile Fatı’yı zina yapmak üzere iken yakaladığı

Kazâ-i Havâss-ı Kostantıniyye tevâbi‘inden Hasköy subaşısı olan Mustafa Bey nâm kimesne işbu sipâhioğlanları zümresinden olan fahrü’l-akrân Mustafa Bey b. Abdülkerim nâm kimesne ile Fatı bt. Muslı nâm nâ-mahremi mahfil-i kazâya ihzâr ve mahzarında takrîr-i da‘vâ ve tasvîr-i merâm kılıp Okmeydânı nâm mevzi‘de vâki‘ karlık kurbünde mezbûr Mustafa Bey merkūme Fatı’ya zinâ kasdı üzere iken ahz ettik, cânib-i şer‘-i kavîmden suâl olunmak taleb ederim dedikde gıbbe’s-suâl mezbûr Mustafa inkâr ile cevâb verip mezbûre Fatı mevzi‘-i mezbûrda benimle bile varmayıp anda rast geldim mezbûreye ulaşırken mârrü’z-zikr subaşı ahz edip ihzâr-ı şer‘ etti dedikden sonra mezbûre Fatı’dan suâl olundukda fi’l-vâki‘ mezbûr Mustafa Bey mevzi‘-i mezbûrda karlık kurbünde zinâ kasdıyla beni getirip mübâşeret kasdında iken mezbûr subaşı ahz edip getirdi deyü i‘tirâfla cevâb verdiği bi’t-taleb kayd-ı sicil olundu.

Tahrîren fî 10 Rebî‘i’l-âhir sene semân ve elf.

Şuhûdü’l-hâl: Mehmed Çelebi b. Mehmed, Ali Bey b. Abdullah el-cündî, Mustafa Bey b. Abdullah es-sarrâc-ı sultânî, Hasan b. Abdullah ve gayruhum