.:: İstanbul Kadı Sicilleri ::. 

Hasköy Mahkemesi 3 Numaralı Sicil (H. 1023-1081 / M. 1615-1670)
cilt: 52, sayfa: 186
Hüküm no: 294
Orijinal metin no: [132-3]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Hacı Mustafa b. Mehmed’in sattığı pereme bedelinden kalan alacağını kefilden talep ettiği

Budur ki, Hasköy’de sâkin el-Hâc Mustafa b. Mehmed nâm kimesne Hasan b. Nasuh nâm kimesneyi mahfil-i kazâya ihzâr ve mahzarında takrîr-i da‘vâ kılıp bundan akdem el-Hâc Mahmud nâm kimesneye üç bin yüz akçeye bir pereme bey‘ edip iki bin yüz akçesini alıp mezbûr Mahmud zimmetinde pereme bahâsından bin akçe hakkım bâkī kalmış idi, mezbûr Hasan kefîl bi’l-mâl oldu idi, suâl olunmak taleb ederin dedikde gıbbe’s-suâl mezbûr Hasan mezkûr Mahmud üzerinde olan akçesinin dokuz yüz akçesine kefîl oldum deyü i‘tirâfla bi’t-taleb kayd-ı sicil olundu.

Tahrîren fî-evâsıtı Rebî‘i’l-âhir sene semân ve elf.

Şuhûdü’l-hâl: Mustafa b. Hasan, İbrahim Efendi b. Hasan, Ahmed Efendi b. Hasan, İlyas b. Mehmed ve gayruhum.