.:: İstanbul Kadı Sicilleri ::. 

Hasköy Mahkemesi 3 Numaralı Sicil (H. 1023-1081 / M. 1615-1670)
cilt: 52, sayfa: 187
Hüküm no: 296
Orijinal metin no: [134-1]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


İlyas v. Abraham’ın bahçıvanı Yani’ye Dimitri’nin kefil olduğu

Havâss-ı Kostantıniyye tevâbi‘inden Hasköy’de Yahûdî tâifesinden İlyas v. Abraham meclis-i şer‘-i şerîfde hazır olup karye-i mezbûra tâbi‘ Şa‘ban mahallesinde vâki‘ mülk bağçesinin hâlen bağçevânı olan Yani v. Dimitri nâm zimmîyi ihzâr ve mahzarında takrîr-i kelâm ve bast-ı merâm kılıp mezbûr Yani bağçemde oturduğu esnâda? ba‘zı eşkıyâ getirip bağçede bana bir zarar olmayacağına ve hîn-i mahâlde kendüyü ihzâra bize birer er kefîl versin nefsine deyicek yine karye-i mezbûrede Dimitri v. Estati nâm zimmî mezkûr İlyas nâm Yahûdî’nin takrîri üzere merkūm Yani’ye kefîl oldum dedikden sonra mezkûr İlyas nâm Yahûdî talebiyle ketb olundu.

Tahrîren fî-evâili şehri Cemâziyelâhir sene semân ve elf.

Şuhûdü’l-hâl: Mehmed b. Mehmed er-reîsü’s-sultânî, Kaya b. Ahmed nevbetci?, Ali b. Memi er-reîsü’s-sultânî, Yakob v. Arslan, Hüseyin b. Kaya er-râcil, Kurd Çelebi b. Şa‘ban el-müderris ve gayruhum