|
Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 187 Hüküm no: 297 Orijinal metin no: [134-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Yorgi v. Andon’un Papula’ya borcuna Andon’un kefil olduğu
Mahmiye-i İstanbul mahallâtından Elvanoğlu mahallesinde sâkin Yahûdî tâifesinden Papula v. Şe‘ban nâm Yahûdî meclis-i şer‘de Havâss-ı Kostantıniyye tevâbi‘inden Hasköy’de sâkin Yorgi v. Andon nâm zimmî mahzarında takrîr-i da‘vâ edip mezbûr Yorgi’de bostan icâresinden iki bin beş yüz ve meyve bahâsından dört yüz elli akçe hakkım vardır, taleb ederin suâl olunsun dedikde gıbbe’s-suâl ikrâr ve i‘tirâf ile cevâb verdikden sonra edâsına hükmolunup habse gitmek sadedinde iken karye-i mezbûre sâkinlerinden Andon v. Yani nâm zimmî meclis-i şer‘de işbu sahibü’l-kitâb mârrü’z-zikr Papula mahzarında mezkûr Yorgi meblağ-ı merkūmu işbu mübârek Receb’in gurresinden [135] mâh be-mâh üçer yüz akçe verip haklaşmak şartı üzere merkūm Yorgi’ye kefîl bi’l-mâl oldum dedikde müdde‘î-i merkūm dahi merkūmun kefâlet-i meşrûhasını kabûl ettim dedikden sonra ol ki vâki‘ hâldir gıbbe’t-taleb kaydolundu.
Tahrîren fî-gurrei Recebi’l-mücerreb sene semân ve elf.
Şuhûdü’l-hâl: Osman b. Ömer el-müezzin, Mehmed Halîfe b. Mehmed el-hatîb, Hızır b. Ömer el-müderris, Şa‘ban el-muhzır ve gayruhum
|