.:: İstanbul Kadı Sicilleri ::. 

Hasköy Mahkemesi 3 Numaralı Sicil (H. 1023-1081 / M. 1615-1670)
cilt: 52, sayfa: 188
Hüküm no: 300
Orijinal metin no: [136-1]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Rus asıllı Behram’ın Murad b. Abdullah’ın kölesi olduğu

<> Oldur ki, Murad b. Abdullah bi’l-fi‘il subaşı olan Mustafa b. Abdullah mahzarında takrîr-i da‘vâ edip mezbûr Subaşı Veli b. Abdullah ve Cafer nâm kimesnelerden ahz eylediğim Behram nâm evsâfı ma‘lûm kul Rus oğlanı benim abd-i memlûkümdür, mezbûr subaşıya suâl olunsun dedikde mezbûr subaşı merkūm Murad’dan da‘vâsına mutâbık beyyine taleb olundukda udûl-i Müslimîn’den Hüseyin b. Abdullah ve Hudâverdi b. Abdullah şehâdetleri ile mezbûr Behram merkūm Murad Reis’in abd-i memlûküdür, biz <<...>> bu husûsa şâhidiz şehâdet dahi ederiz dedikde mâ-hüve’l-vâki‘ alâ vukū‘ihî kayd-ı sicil olundu.

Şuhûdü’l-hâl: Mustafa b. Hasan el-imâm, Hızır b. Ömer, Armağan ser-bölük ve gayruhum