|
Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 189 Hüküm no: 303 Orijinal metin no: [137-1] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Filoriye adlı kadının yanında bulunanların zevci ve yeğeni olduğu
Vech-i tahrîr-i kitâb oldur ki, bi’l-fi‘il Hasköy subaşısı olan Mustafa mahfil-i kazâda işbu Filoriye nâm zimmiye mahzarında takrîr-i da‘vâ edip dedi ki, mezbûr Filoriye’yi bir iki kâfir ile Hasköy Bağçesi’nde nâ-mahrem iken buldum şer‘le suâl ediverin dedikde mezbûre zimmiye[ye] suâl olundukda sahîh biz bunlar ile bağçe-i mezbûrede idik lâkin birisi benim zevcimdir ve birisi dahi birâderzâdemdir deyü cevâb verip müşârün-ileyh talebiyle bi’t-taleb alâ-vukū‘ihî kaydolundu.
Tahrîren fî-evâili şehri Şa‘bâni’l-mu‘azzam min-şuhûri sene semân ve elf mine’l-hicreti’n-nebeviye -aleyhi efdalü’t-tahiyye-
Şuhûdü’l-hâl: Esedullah Çelebi, İsmail Çelebi b. Ahmed Bey, Eyüb Çelebi ve gayruhum mine’l-hâzırîn
|