|
Hasköy Mahkemesi 3 Numaralı Sicil (H. 1023-1081 / M. 1615-1670) cilt: 52, sayfa: 190 Hüküm no: 304 Orijinal metin no: [137-2] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.
Papayermenus bağını ifraz ederek bir kısmını Dimitri’ye kalanını da Menahim’e sattığı
Vech-i tahrîr-i hurûf budur ki, Havâss-ı Kostantıniyye’ye tâbi‘ Hasköy sâkinlerinden Papayermenus v. Nikola nâm zimmî meclis-i şer‘-i şerîf-i Nebevî ve dîvân-ı münîf-i Ahmedî’ye hazır olup eyitti ki, Kâğıdhâne kurbünde vâki‘ bir tarafı Mihal v. Simitçi ve bir tarafı vâdi ve iki tarafı tarîk-i âm işbu hudûd-ı erba‘a ile mahdûd olan tahmînen kırk dört dönüm bir kıt‘a bağımı ifrâz edip on iki dönümünü ayırdıkdan sonra Dimitri v. Yorgi nâm zimmîye on bin akçe nakd-i râyic fi’l-vakt yüz akçe mukāta‘a ile bey‘ edip kabz-ı semen ettim, bâkī kalan otuz iki dönüm yerimi iki yüz elli iki akçe mukāta‘a ile on sekiz bin akçe ve on sekiz karat la‘l? bir taşa Yahûdî tâifesinden Menahim v. Alazar’a bey‘ edip minvâl-i meşrûh üzerine kabz-ı semen ettim dediği Müslümânlar mahzarında bi’t-taleb kayd-ı defter olundu.
Tahrîren fî-evâili şehr-i Şa‘bâni’l-mu‘azzam min-şuhûri sene semân ve elf mine’l-hicreti’n-nebeviye.
Şuhûdü’l-hâl: Esedullah Çelebi b. Muslı Çelebi, Muslı Çelebi b. ( ) el-cündî, Mehmed Reis b. Mehmed, Süleyman Çelebi b. Behram, Hasan b. Abdullah, İsmail Çelebi b. Ahmed, Ali Çelebi b. Memi Reis
|