.:: İstanbul Kadı Sicilleri ::. 

Hasköy Mahkemesi 3 Numaralı Sicil (H. 1023-1081 / M. 1615-1670)
cilt: 52, sayfa: 191
Hüküm no: 308
Orijinal metin no: [138-3]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Peremeci Mahmud’un Hüseyin’deki alacağını kefili olan İsmail’den talep ettiği

Oldur ki Havâss-ı Kostantıniyye tevâbi‘inden Hasköy mahallâtından Pîrî Paşa -yesserallahu fi’l-ukbâ mâ-yeşâ’- mahallesinde peremeci tâifesinden Mahmud mahalle-i mezbûreden İsmail’i meclis-i şer‘a ihzâr edip şöyle takrîr-i kelâm ve ta‘bîr-i merâm eyledi ki, Hüseyin nâm kimesnenin üzerinde lâzımü’l-edâ ve vâcibü’l-kazâ beş yüz akçe hakkım var idi, merkūm İsmail edâsına kefîl oldu, bi-hasebi’ş-şer‘i’ş-şerîf hakkım taleb eylediğimde vermekde ta‘allül eder, şer‘le suâl olunup mûcebiyle hakkım alınmak taleb ederim deyicek gıbbe’s-suâl, gerçekdir kefîl oldum, pâre pâre edâ edeyin dediği bi’t-taleb kayd-ı sicil olundu.

Hurrire fi’t-târîhi’l-mezbûr li-sene semân ve elf.

Şuhûdü’l-hâl: Mehmed b. Ali Fakih

Sümme hukime bi-edâihî fî-evâhiri yevmi Çehârşenbe min-nısfı Şa‘bâni’l-mu‘azzam li-sene semân ve elf.