.:: İstanbul Kadı Sicilleri ::. 

Hasköy Mahkemesi 3 Numaralı Sicil (H. 1023-1081 / M. 1615-1670)
cilt: 52, sayfa: 192
Hüküm no: 310
Orijinal metin no: [139-2]
Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır.


Mustafa’nın Peremeci Ali’ye borcu olduğu

Oldur ki Havâss-ı Kostantıniyye’de Hasköy’de peremeci tâifesinden Ali b. Mehmed nâm kimesne mahalle-i merkūmede Mustafa nâm kimesneyi meclis-i şer‘a ihzâr edip şöyle takrîr-i kelâm ve ta‘bîr-i merâm eyledi ki, mezbûr Mustafa zimmetinde lâzımü’l-edâ ve vâcibü’l-kazâ hakkım sekiz yüz akçe hakkım var idi, mezbûr Mustafa’dan bi-hasebi’ş-şer‘i’ş-şerîf hakkım taleb eylediğimde vermekde ta‘allül eder şer‘le suâl olunup mûcebiyle hükmolunmak taleb ederin deyicek gıbbe’s-suâl vardır dedikde bi’t-taleb kayd-ı sicil olundu.

Fî-evâili Ramazan li-sene semân ve elf.

Şuhûdü’l-hâl: ( )