|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 61 Hüküm no: 1 Orijinal metin no: [1-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Salih Ağa’nın Sinanzâde Halil Ağa’dan alacaklı olduğu
Ma‘rûz-ı dâ‘î-i Devlet-i aliyyeleridir ki Bâ‘isü’l-i‘lâm hadîka-i Karaağaç Saray-ı hümâyûn ustası olan kıdvetü’l-emâcid ve’l-a‘yân Salih Ağa kasaba-i Hasköy mahkemesine ihzâr-ı şer‘ eylediği Turşucu mahallesi sâkinlerinden Bedestânî el-Hâc Sinan oğlu Halil Ağa muvâcehesinde mezbûr Sinanzâde Halil Ağa zimmetinde cihet-i karz-ı şer‘îden bâ-temessük altı yüz elli guruş alacak olmağla taleb ederim deyû ba‘de’d-da‘vâ ve’l-inkâr müdde‘î-i mezbûr Salih Ağa’dan beyyine taleb olundukda derûn-ı temessükde mevcûd olan el-Hâc Hasan b. Süleyman ve el-Hâc Ömer b. Ali ve Sütlüce imâmı Hâfız Abdullah Efendi bi’l-muvâcehe şehâdet etmeğin şehâdetleri ba‘de’t-tezkiye ve’l-kabûl mûcebince altı yüz elli guruş mezkûr Salih Ağa’ya edâya tenbîh olunduğu bi’l-iltimâs huzûr-ı âlîlerine i‘lâm olundu. Bâkī emr u fermân hazreti veliyyü’l-emrindir. Tahrîren fî 11 Saferi’l-hayr sene 1043.
|