.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 62
Hüküm no: 4
Orijinal metin no: [2-3]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Yol üzerinde yapılan ve mahalle halkına zarar veren kapı ile tuvaletin kapatılması

<<….? öküzü yazmışdır (…) efendisi olan a‘lemü’l-ulemâ’i’l-(…) kirâm (…) husûs-ı âti’z-zikre vekîl-i şer‘îleri olan Mehmed Efendi meclis-i şer‘de takrîr-i kelâm edip müvekkil-i mûmâ-ileyh Efendi hazretlerinin Havâss-ı aliyye kazâsı muzâfâtından Hasköy’de Pîrî Paşa mahallesinde vâki‘ kiremitliğine muttasıl mahalle-i mezbûre sâkinlerinden Osman b. Abdullah (…) olup mezbûr Osman (…) mezkûr kiremitlik tarafına sonradan bir kapı açıp tarîk üzerinde (…) ihdâs etmekle küllî zararı olmağın kıbel-i şer‘den üzerine varılıp vâki‘ hâl keşf ve (…) olundukda men‘ ve def‘ olunmak matlûbumdur dedikde savb-ı şer‘den bu fakīr müşârun-ileyh Efendi hazretleri taraf-ı şerîflerinden Mevlânâ es-Seyyid Mehmed Efendi ve zeyl-i kitâbda mastûrü’l-esâmi olan müslimîn ile mahalle-i mezbûre[ye] varıp akd-i meclis-i şer‘ olundukda fi’l-hakīka mezbûr Osman Beşe’nin ihdâs ettiği kapıdan çıkan (…) harmanda olan kiremit (…) eylediklerinden (…) ol tarafa vâki‘ olan tarîkden mürûr eden müslimîn (…) havf ederim (…) kenîfin râyiha-i kabîhası (…) müte’ezzîler olduklarından ahâlî-i mahalle ihzâr edip cümlesi ol kapının sed ve (…) kenîfin (…) mezbûr Osman Beşe’ye tenbîh birle mâ hüve’l-vâki‘ bi’t-taleb ketb olundu. Tahrîren fi’l-yevmi’s-sâdis ve’l-ışrîn min Saferi’l-hayr sene 1048.


Şuhûdü’l-hâl: Ebûbekir Çelebi b. Mehmed, İbrahim Efendi b. Hüsrev, el-Hâc Ramazan, Mustafa Çelebi b. Surûrî?, Mehmed Bey b. Mustafa el-bevvâb-ı sultânî>>