|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 67 Hüküm no: 10 Orijinal metin no: [5-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Emine bt. Abdullah’ın câriyesini azat ettiği
Havâss-ı aliyye kazâsına tâbi‘ Hasköy mahallâtından Abdüsselam mahallesi sâkinelerinden Emine bt. Abdullah nâm hâtun meclis-i şer‘-i hatîr-i lâzımü’t-tevkīrde câriye-i memlûkesi olan bâ‘isetü’l-kitâb orta boylu açık sarı ve gerdanının sağ tarafında beni ve sol kaşı cânibinde eser-i cerh olan Motoniyyü’l-asl Kaya bt. Abdullah [nâm] câriye mahzarında bi’t-tav‘i’s-sâf ( ) olan mevsûfe-i mezkûreyi ( ) [6] fevt olduğumuzda mâlımdan âzâd olup sâir ahrâr-ı asliyyîn gibi hürre olsun dedikde mukırra-i merkūme[nin] ikrâr-ı meşrûhasını el-mukarru leha’l-mezbûre câriye bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ bi’t-taleb ketb olundu. Fî evâsıtı Recebi’l-mürecceb sene 1038.
Şuhûdü’l-hâl: Mustafa b. Hüseyin, Muzaffer? Çavuş [b.] Abdullah, Ahmed Bey [b.] Mehmed, el-Hâc Hüseyin [b.] Abdullah, Mehmed Beşe [b.] Abdullah, Abdullah [b.] Ahmed Çelebi el-İmâm, el-Hâc Hüseyin [b.] Abdullah, ve gayruhüm
|