.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 68
Hüküm no: 12
Orijinal metin no: [6-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Âişe bt. Abdullah’ın muhtelif eşyasını Fâtıma bt. Abdullah’a hibe ettiği

Havâss-ı aliyye kazâsına tâbi‘ Hasköy mahallâtından Turşucu mahallesinde sâkine Âişe bt. Abdullah nâm hâtun meclis-i şer‘-i hatîr-i lâzımü’t-tevkīrde işbu rafi‘atü’l-kitâb Fâtıma bt. Abdullah nâm hâtun mahzarında bi’t-tav‘ ikrâr ve i‘tirâf edip ( ) münselik iki yemeni döşek ve iki yemeni yorgan ve iki beledî [7] yastık ve bir köhne halı ve iki tencere ve iki sahan ve iki tâbe ve bir sini ve bir şamdan ve bir köhne sandığı mezbûre Fâtıma’ya hibe-i sahîha-i şer‘iyye ile hibe ve teslîm ve temlîk eyledim ol dahi vech-i mübeyyen üzre meclis-i hibede eşyâ-i mezbûreyi ittihâb ve kabûl ve tesellüm ve temellük [eyledi] ba‘de’l-yevm zikr olunan eşyâ mezbûre Fâtıma’nın mülk-i mevhûbesidir keyfe mâ teşâ ve tahtâr mutasarrıfa olsun dedikde mukırra-i merkūmenin ikrâr-ı meşrûhasını el-mukarru lehü’l-mezbûre bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ bi’t-taleb ketb olundu. Tahrîren fî âhiri Recebi’l-fer[d] li sene semânin ve selâsin ve elf.


Şuhûdü’l-hâl: Mehmed Bey b. İskender, Ebûbekir Çelebi [b.] Me[h]med, Ahmed Beşe [b.] Hacı, Hasan Beşe b. Abdullah er-Râcil ve gayruhüm