.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 68
Hüküm no: 13
Orijinal metin no: [7-1, Arapça]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Osman Bey b. Abdülmennân’ın üç hanutunun Ömer Bey b. Abdülmennân’a bey‘ bi’l-istiğlâl yoluyla satılması

Havâss-ı aliyye kazâsı muzâfâtından Topçular karyesinde sâkin Osman Bey b. Abdülmennân nâm kimesne tağyîr ve tahrîfden korunmuş olan meclis-i şer‘-i şerîf ve mahfil-i dîn-i münîfde ikrâr ve i‘tirâf edip hâmil-i hâze’l-kitâb Bostancı Ömer Bey b. Abdülmennân’a karye-i mezbûrede vâki‘ bir tarafdan merhûm Davud Paşa Bahçesi iki tarafdan mekābir-i müslimîn ve bir tarafdan tarîk-i âm ile mahdûd kendi mülkü olan üç hanutu cümle tevâbi‘ ve levâhıkı ve kâffe-i menâfi‘ ve merâfıkı ile bin on fıddî Osmânî râyic fi’l-vakt akçe semen-i mu‘ayyen-i makbûza bey‘ bi’l-istiğlâl ile bey‘ ve şirâ-yı sahîh-i şer‘î ettikde ol dahi iştirâ edip ba‘de’t-tahliye ve’t-tekābuz târih-i kitâbdan üç aya değin bu müddet içinde yedi yüz yirmi akçe-i mu‘ayyene ile îcâr ve istîcâr-ı sarîh-i şer‘î ettiğini ikrâr ve i‘tirâf-ı sarîh-i mer‘î ettikde mezbûr Ömer Bey tarafından dahi vicâhen tasdîk olunup [kayd-ı sicil olundu.] Cerâ zâlike ve hurrire fi’l-yevmi’s-sâdis aşer min Şa‘bâni’l-mu‘azzam li sene semânin ve selâsin ve elf.


Şuhûdü’l-hâl: Halil Çelebi er-Râcil, Mehmed b. Mustafa, Mehmed b. Veli, Ali Beşe er-Râcil, Mustafa Beşe b. Abdullah, Ömer Çelebi b. İlyas, Aydın? Beşe b. Halil er-Râcil, Receb b. Abdullah, Mustafa Beşe b. Abdullah er-Râcil