.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 71
Hüküm no: 18
Orijinal metin no: [10-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Fâtıma bt. Hüseyin’e ev satış kaydı

Havâss-ı aliyye kazâsı muzâfâtından Hasköy mahallâtından Turşucu mahallesinde Mehmed er-Râcil fahrü’l-akrân ( ) b. İbrahim b. Hüsrev el-İmâm ve Mehmed Halîfe b. Haydar el-Müezzin şehâdetleriyle şer‘an vekâleti sâbite olan Yusuf Halîfe b. Abdullah nâm kimesne meclis-i şer‘-i hatîr-i lâzımü’t-tevkīrde Fâtıma [bt.] Hüseyin nâm hâtun mahzarında bi’t-tav‘i’s-sâf ikrâr ve i‘tirâf edip müvekkil-i mezbûrun mahalle-i mezkûrede vâki‘ bir tarafı bâyi‘-i mezbûr mülkü ve bir tarafı Hüseyin Beşe b. Abdullah mülkü ve iki tarafı tarîk-i âm ile mahdûd ve mümtâz olup iki bâb beyt-i süflîyi ve muhavvatayı ve zât-ı eşcâr-ı müsmire ve gayr-ı müsmireyi vekâletim hasebiyle merkūme Fâtıma’ya üç bin iki yüz fıddî râyic fi’l-vakt akçeye bey‘-i bâtt-ı sahîh-i şer‘î ile bey‘ edip kabz-ı semen-i ma‘dûd ve teslîm-i mebî‘-i mahdûd eyledim ba‘de’l-yevm menzil-i mesfûr merkūme Fâtıma’nın mülk-i müşterâsıdır keyfe mâ teşâ ve tahtâr mutasarrıfa olsun dedikde vekîl-i mezbûrun ikrâr-ı meşrûhunu el-mukarru leha’l-merkūme bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ bi’t-taleb ketb olundu. Tahrîren fî âhiri Şevvâli’l-mükerrem sene 1038.


Şuhûdü’l-hâl: Durmuş Bey b. Salih el-Cündî, Mehmed b. Mehmed er-Reis, Mahmud Çelebi b. Mustafa, Mahmud Çelebi b. Mehmed es-Serrâc, Mehmed Bey b. İskender, Ahmed Bey el-Cündî ve gayruhüm