.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 71
Hüküm no: 19
Orijinal metin no: [10-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Hüseyin Bey b. Nasuh’un evini Ahmed Efendi b. Abdi’ye sattığı

Havâss-ı aliyye kazâsı muzâfâtından Hasköy mahallâtından Turşucu mahallesinde sâkin Hüseyin Bey b. Nasuh nâm serbölük meclis-i şer‘-i hatîr-i lâzımü’t-tevkīrde işbu râfi‘ü’l-kitâb Ahmed Efendi b. Abdi el-İmâm mahzarında bi’t-tav‘i’s-sâf ikrâr ve i‘tirâf edip karye-i mezkûre mahallâtından el-Hâc Şaban mahallesinde vâki‘ bir tarafı Ali mülkü ve iki tarafı Mustafa bahçesi ve bir tarafı tarîk-i âm ile mahdûd ve mümtâz olup iki bâb beyt-i süflîyi ve eşcâr-ı müsmire ve gayr-ı müsmireyi müştemil olan mülk menzilimi merkūm Ahmed Efendi’ye fıddî râyic fi’l-vakt üç bin yüz akçeye bey‘-i [11] şer‘î ile bey‘ edip kabz-ı semen-i ma‘dûd ve teslîm-i mebî‘-i mahdûd eyledim ol dahi vech-i mübeyyen üzre iştirâ ve tesellüm eyledi ba‘de’l-yevm zikr olunan menzil merkūm Ahmed Efendi[‘nin] mülk-i müşterâsıdır keyfemâ yeşâ ve yehtâr mutasarrıf olsun dedikde mukırr-ı merkūmun ikrâr-ı meşrûhunu el-mukarru leha’l-mersûm bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ bi’t-taleb ketb olundu. Tahrîren fî evâhiri Şevvâli’l-mükerrem li sene semânin ve selâsin ve elf.


Şuhûdü’l-hâl: Ali Beşe [b.] Hüseyin, Halil peremeci, Hasan b. Uğurlu, Mehmed Bey [b.] Mustafa serbölük, Mehmed Beşe [b.] Abdullah, Mehmed b. Mehmed er-Reis ve gayruhüm