.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 73
Hüküm no: 21
Orijinal metin no: [11-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Perako bt. Yorgi’nin evini Mihal v. Yani’ye sattığı

Vilâyet-i Rumeli’nde Korondos kazâsına tâbi‘ Zagorya nâm karye sâkinelerinden Perako bt. Yorgi nâm zimmîyye meclis-i şer‘-i hatîr-i lâzımü’t-tevkīrde işbu râfi‘ü’l-kitâb Mihal v. Yani nâm zimmî mahzarında bi’t-tav‘i’s-sâf ikrâr ve i‘tirâf edip Havâss-ı aliyye kazâsına tâbi‘ Hasköy’de vâki‘ bir tarafı Demirhan Çavuş vakfına ve bir tarafı Yahudihânesine ve iki tarafı tarîk-i âm ile mahdûd ve mümtâz olup iki bâb fevkānî menzil ve bir bi’r-i mâ’ı ve iki mahzeni ve bir dükkânı ve eşcâr-ı müsmire ve gayr-ı müs[mireyi müştemil mülk] menzilimi mezbûr Mihal’e fıddî-i Osmânî râyic fi’l-[vakt] ( ) [12] akçeye bey‘-i bâtt-ı sahîh-i şer‘î ile bey‘ edip kabz-ı semen-i ma‘dûd ve teslîm-i mebî‘-i mahdûd eyledim ol dahi vech-i mübeyyen üzre iştirâ ve tesellüm eyledi ba‘de’l-yevm zikr olunan menzil merkūm Mihal’in mülk-i müşterâsıdır keyfemâ yeşâ ve yehtâr mutasarrıf olsun dedikde mukırra-i merkūmenin ikrâr-ı meşrûhun el-mukarru lehü’l-mezbûr Mihal bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ bi’t-taleb ketb olundu. Tahrîren fî evâili Zilka‘deti’ş-şerîfe li sene semânin ve selâsin ve elf.


Şuhûdü’l-hâl: Mahmud Çelebi b. Mehmed es-Serrâc, Süleyman Efendi b. Mirza, Mahmud Bey b. Mirza el-Cündî, Kasım Bey b. Abdullah, Mustafa Çelebi b. Halil es-Serrâc, Baba Yani v. Dimitri, Hristo v. İsteko, Aristos v. Yani ve gayruhüm