.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 73
Hüküm no: 22
Orijinal metin no: [12-1, Arapça]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Pendiye bt. Abdullah’ın evini Hasan Beşe b. Mustafa’ya bey‘ bi’l-istiğlâl yoluyla sattığı

Havâss-ı aliyye kazâsı muzâfâtından Hasköy karyesi tevâbi‘inden Sütlüce mahallesinde sâkine Pendiye bt. Abdullah nâm hâtun tağyîr ve tahrîfden korunmuş olan meclis-i şer‘-i şerîf ve mahfil-i dîn-i münîfde ikrâr ve i‘tirâf edip hâmil-i hâze’l-kitâb Hasan Beşe b. Mustafa’ya mahalle-i mezbûrede vâki‘ bir tarafdan Emir Hâtun bt. Mehmed mülkü bir tarafdan Mustafa Beşe mülkü bir tarafdan tarîk-i âm ve bir tarafdan tarîk-i hâs ile mahdûd olup kendi mülkü olan menzilin binâsını cümle tevâbi‘ ve levâhıkı ve kâffe-i menâfi‘ ve merâfıkı ile râyic fi’l-vakt iki bin yüz fıddî akçe semen-i mu‘ayyene bey‘ bi’l-istiğlâl ile bey‘ ve şirâ-yı sahîh-i şer‘î ettikde ol dahi iştirâ edip ba‘de’t-tahliye ve’t-tekābuz târih-i kitâbdan dört ay tamâmına değin îcâr ve istîcâr-ı sarîh-i şer‘î ettiğini ikrâr ve i‘tirâf-ı sarîh-i mer‘î ettikde mezbûr Hasan tarafından dahi vicâhen tasdîk olunup [kayd-ı sicil olundu.] Cerâ zâlike ve hurrire fi’l-yevmi’s-sânî min Zilka‘deti’ş-şerîfe li sene semânin ve selâsin ve elf.


Şuhûdü’l-hâl: Şaban Bey el-Cündî, Mahmud b. Ahmed, Hızır b. Abdullah, Hüseyin Bey [b.] Mehmed es-Serrâc, Kasım Bey [b.] Abdullah, Yusuf Bey b. Gaffar ve gayruhüm mine’l-hâzırîn