|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 75 Hüküm no: 25 Orijinal metin no: [13-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Mehmed Bey b. Hürmüz’ün bağını oğlu Mehmed’e vasiyyet ettiği
Havâss-ı aliyye kazâsına tâbi‘ Hasköy mahallâtından Ahmed Çelebi mahallesinde sâkin Mehmed Bey b. Hürmüz nâm serbölük meclis[-i şer‘a] gelip takrîr-i kelâm edip mahalle-i mezbûrede [vâki‘] bir tarafı Atâullâh mülkü ve bir tarafı Âişe Hâtun mülkü ve bir tarafı İbrahim Paşa mülkü ve bir tarafı Mehmed Bey Vakfı ile mahdûd ve mümtâz olan mülk bağımı târih-i kitâbdan altı ay mukaddem hasta olduğumuzda sulbî oğlum Mehmed’e vasiyyet eylemiş idim ben yine ol ikrâr üzreyim ba‘de’l-yevm zikr olunan bahçe mezbûr oğlum Mehmed’in mülküdür deyû bi’t-tav‘i’s-sâf ikrâr ve i‘tirâf edicek mâ hüve’l-vâki‘ bi’t-taleb ketb olundu. Tahrîren fî evâili Zilhicceti’ş-şerîfe li sene semânin ve selâsin ve elf.
Şuhûdü’l-hâl: Mehmed Bey [b.] Hasan …?, Yusuf Bey [b.] Hüseyin serrâc, Ahmed b. Mehmed serbölük, Mehmed Halîfe el-Müezzin, Mahmud ( ), Hüseyin ( )
|