|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 79 Hüküm no: 33 Orijinal metin no: [18-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Saliha bt. Nasuh’un Rus asıllı Murad b. Abdullah adlı kölesini azat ettiği
Mahmiye-i İstanbul’da vâki‘ Gül Câmi‘i mahallesinde sâkine Saliha bt. Nasuh nâm hâtun meclis-i şer‘-i hatîr-i lâzımü’t-tevkīrde orta boylu çatık kaşlı bükük? gözlü sarışın Rûsiyyü’l-asl Murad b. Abdullah nâm abd-i memlûkesinin muvâcehesinde ikrâr-ı sahîh-i şer‘î ve i‘tirâf-ı sarîh-i mer‘î edip abd-i memlûküm olan mevsûf-ı mezkûru bi-niyyetin hâlisa-i vâfiretin ve ta[vi]yyetin tayyibe-i sâfiye ile hasbeten lillâhi’l-hallâk tahrîr ve i‘tâk edip mülkümden âzâd ve ihrâc ve silk-i ahrâr-ı asliyyîne indirâc eyledim ba‘de’l-yevm mezbûr Murad sâir ahrâr-ı asliyyîn gibi hür olup sâir mevlâ için şer‘an sâbit olan hakk-ı velâdan gayrı hakkım kalmadı dedikde gıbbe’t-tasdîki’l-vicâhî mâ hüve’l-vâki‘ bi’t-taleb ketb olundu. Tahrîren fi’l-yevmi’l-ışrîn min Cumâdelûlâ li sene erba‘în ve elf. [Derkenâr:] Mebhas lâzım.
Şuhûdü’l-hâl: Mustafa Çelebi [b.] Mehmed, el-Hâc Ahmed [b.] Mehmed, Mehmed Halîfe b. Hasan el-Müezzin, Receb Halîfe b. Hüsam el-Müezzin, Osman Çavuş [b.] Abdullah, el-Hâc İsmail
|