|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 80 Hüküm no: 34 Orijinal metin no: [18-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Anastaşya bt. Nikola’nın bağını Nikola v. Andriye’ye sattığı
Mahmiye-i Galata hâricinde vâki‘ Tatavla’da sâkine Anastasya bt. Nikola nâm zimmîyye meclis-i şer‘-i hatîr-i lâzımü’t-tevkīrde işbu râfi‘ü’l-kitâb Nikola v. Andriye nâm zimmî mahzarında bi’t-tav‘i’s-sâf ikrâr ve i‘tirâf edip Kağıthâne [nâm] mevzi‘de vâki‘ bir tarafı mezbûr Nikola bağı ve bir tarafı Argadiye v. Marodi bağı ve bir tarafı Ali Beşe bağı ve bir tarafı tarîk-i âm ile mahdûd ve mümtâz olan tahmînen iki dönüm mülk bağımı ve içinde vâki‘ olan çukuru cemî‘ tevâbi‘ ve levâhıkı ile mezbûr Nikola’ya fıddî-i Osmânî râyic fi’l-vakt iki bin altı yüz akçeye bey‘-i bâtt-ı sahîh-i şer‘î ile bey‘ edip kabz-ı semen-i ma‘dûd ve teslîm-i mebî‘-i mahdûd eyledim ba‘de’l-yevm zikr olunan bağ mezbûr Nikola’nın mülk-i müşterâsıdır keyfemâ yeşâ ve yehtâr mutasarrıf olsu[n de]dikde mukırra-i merkūmenin ikrâr-ı meşrûhasını el-mukarru lehü’l-merkūm bi’l-muvâcehe tasdîk [19] ve bi’l-müşâfehe tahkīk edicek mâ hüve’l-vâki‘ bi’t-taleb ketb olundu. Tahrîren fî evâsıtı Şa‘bâni’l-mu‘azzam li sene erba‘în ve elf.
Şuhûdü’l-hâl: Himmet b. Kadri, Ali Beşe [b.] Abdullah, Mustafa Çelebi [b.] Veli er-Râcil, el-Hâc Ramazan [b.] Mahmud, İbrahim [b.] Hüdâverdi, Dimitri [v.] Kosta, Yani v. Yorgi, Mihal [v.] Yani, Aristos [v.] Yani, Tahule v. Nikola, Arastakoş v. Dimeka
|