|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 83 Hüküm no: 41 Orijinal metin no: [22-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Bayram b. Timurhan’ın evini zevcesi Âişe bt. Ali’ye hibe ettiği
Havâss-ı aliyye kazâsına tâbi‘ Hasköy mahallâtından Keçeciler mahallesinde sâkin Bayram b. Timurhan nâm kimesne meclis-i şer‘-i hatîr-i lâzımü’t-tevkīrde işbu râfi‘atü‘l-kitâb Âişe bt. Ali nâm hâtun mahzarında bi’t-tav‘i’s-sâf ikrâr ve takrîr-i kelâm edip mahalle-i mezbûrede vâki‘ bir tarafı Okmeydanı’na ve bir tarafı Abdünnebi mülküne ve bir tarafı Mustafa Usta mülkü ile mahdûd ve mümtâz olan mülk menzilimi ba‘de’t-tahliyeti’ş-şer‘iyye zevcem mezbûreye hibe-i sahîh[a]-i şer‘iyye ile hibe ve teslîm ve temlîk eyledim, ol dahi meclis-i hibede ittihâb ve kabûl ve tesellüm ve kabûl ve temellük eyledi, ba‘de’l-yevm menzil-i mezbûr merkūme Âişe’nin mülk-i mevhûbesidir dedikde, mukırr-ı merkūmun ikrâr-ı meşrûhunu el-mukarru leha’l-mezbûre bi’l-muvâcehe tasdîk edicek mâ hüve’l-vâki‘ bi’t-taleb ketb olundu. Tahrîren fî evâili Rebî‘ilevvel li sene ihdâ ve erba‘în ve elf.
Şuhûdü’l-hâl: Mustafa Çelebi (…), Mehmed? b. Kadri, Ahmed b. Binyaz?, Mehmed Bey [b.] Mirza serbölük, Abdünnebi peremeci, Ali Beşe [b.] Hüseyin?
|