|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 92 Hüküm no: 55 Orijinal metin no: [31-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Kalef v. Baroh’un arsasını Mâhi bt. Abdullah’a sattığı
Havâss-ı aliyye kazâsına tâbi‘ Hasköy mahallâtından el-Hâc Şaban mahallesinde sâkin Kalef v. Baroh nâm Yahudi meclis-i şer‘-i şerîf-i lâzımü’t-teşrîfde işbu râfi‘ü’l-kitâb Mâhi bt. Abdullah nâm Hâtun mahzarında bi’t-tav‘i’s-sâf ikrâr ve i‘tirâf edip mahalle-i mezbûrede vâki‘ iki tarafı bâyi‘-i mezbûr mülkü ve iki tarafı müşterî-i merkūm mülkü ile mahdûd ve mümtâz olan tûlen ve arzan on iki zirâ‘ arz-ı hâliyeyi merkūme Mâhi’ye beş yüz akçeye bey‘-i bâtt-ı sahîh-i şer‘î ile bey‘ edip kabz-ı semen-i ma‘dûd ve teslîm-i mebî‘-i mahdûd eyledim ba‘de’l-yevm zikr [32] olunan arz-ı hâliye merkūme Mâhi’nin mülk-i müşterâsıdır keyfe mâ teşâ ve tahtâr mutasarrıfa olsun dedikde mukırr-ı merkūmun ikrâr-ı meşrûhunu el-mukarru leha’l-mezbûr[e] bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ bi’t-taleb ketb olundu. Tahrîren fî evâili Muharremi’l-harâm sene isneyn ve erba‘în ve elf.
Şuhûdü’l-hâl: Ahmed Efendi b. Abdi el-İmâm, Mahmud Çelebi b. Mehmed serrâc, Mehmed Çelebi b. İsmail ve gayruhüm
|